ماسمعت بمبنى فخم
مبنى شامخ
مبنى ضخم
اسمه مبنى العاشقين
ناس ذوق من بعضهم واثقين تقضى فيه احلى وقتك ..
ادفى همسك ..واغلى صمتك ..
مبنى كامل للحبايب ..لا حسود ولا عذول ..ولا نشايب ..
فيه غرفه ..انتظار ..
خاليه من كل شئ الا ساعه على الجدار ..
دندنتها عاليه .. دايم في صراع هي وقلب المنتظر..
غرفه مافيها الا الاريكه للجلوس مثل قارب بلا شراع!!
شي بديهي ليه قد سمعت بمنتظر يعرف طعم الجلوس؟
وفيه غرفه للصراحه تجلس فيها بكل صراحه ويطلق لسانك صراحه ويشكي قلبك كل جراحه ماتحس باي خوف
بالوسط فيه سلم تطلعه حبه حبه مبنى اخلاص ومحبه تلقى اول غرفه فوق
غرفه اتكيت وذوق غرفه مختصه بالشوق للحبايب يسهرون
فيها غرفه على اليمين لا اهاات ولا انين كلها شوق وحنين حب واحساس وشجون جنبها غرفه كبيره غرفه جذابه ومثيره
ماتلقى غير الحب سيره ..
هاذي غرفه للجلوس وللهروب من متاهات الحياه ورجوع للماضي فات احلى واروع ذكريات مالك الى الاستراحه ..
اخر غرفه على اليسار فيها للعتاب للقاء بعدالغياب للراحه بعد العذاب كلها شوق واعتذار
ااه يامبنى كامل
ااه ياهو مبنى شامل
ااه ياهو مبنى حامل
تخص انسان انت وحدك ولك انت وحدك
انت عندك خادمين لكلامك سامعين للاوامر طايعين لاتخافهم شريان وريد لك وحدك مبنى دافي
مبنى رافي كله احساس وشجون ..
مبنى صاحبه شخص وافي مخلص وطبعه حنون ..
له بوابه كبيره عنده حارس امين فوقها لوحه مثيره كلها حب وحنين لا يعرف خصام لا ولا يعرف كذب كله حب واحترام
مبنى اغلى من الذهب هذا المبنى لا يتأجر ولا يشترى بس يهدى
يهدى لشخص واحد مافيه ثاني
لاتقول اني اناني هذي قمه التفاني وهذه هي الاصول ..
قال بعض الناس تعبنا لكنه عنده هالمبنى
ولسكانه اهدينا حبنا بس مع الايام تبنا ولمفاتيحه سحبنا وصار هذا البيت خالي ..
قلت
انا عندي نصيحه ؟؟
لازم تحسن الاختيار..
وتتأنى فاخذ القرار ..ترى النار اولها شرار ..
وللمحبه طعم حالي ..بالنسبه لي نارااح اتوب ..
لو قلبي من الشوق يذووب الحب عندي احلى الدرووب ..
والحبيب دايم في بالي
في النهايه ابغى اقوول
مفي داعي الشرح يطوول ..لازم الحيره تزوول ..
وتعرف المبنى اش يكون ياغالي الحبايب
القلب اللي فيك ذايب واختياري والله صايب
%لاني اهديته لك%
الجمعة يوليو 25, 2008 4:48 pm